دراسات الجدوى الاقتصادية /وافكار مشروعات صغيرة ومتوسطة /صناعات ومهارات, صناعات متنوعة, المشروعات الصغيرة والمتوسطة, فرص الاستثمار, دراسات جدوى لبعض المشروعات الصغيرة, مشروعات ادوات منزلية/.دراسة جدوي لمشروع /دراسة جدوى مصانع

آخر الأخبار

كل ما يخص مشروع النشاره وتصنيع النشارة



كل ما يخص مشروع النشاره
بسم الله و الحمد لله والصلاه والسلام على رسول الله

1 - اسئله بخصوص الماده الخام \\\\\\\\\\\\\\\\\


المكنه موديل الحوت و السعد هى الاولى والوحيده مصريا التى تستطيع ان تقوم بتصنيع النشاره من كسر الاخشاب وفضلات الورش ومصانع الاخشاب
ليه كسر الخشب مش الشجر لان الشجر فيه رطوبه و محتاج مجفف بالاضافه لانه نشاره خشب الشجر تعتبر درجه تالته وسعرها رخيص و مش عليها طلب كتير الا طبعا لو حضرتك تقدر تسوقها ده شيئ تانى
هنجيبها منين هتجيبها من الورش و من تجارالكسر اللى بيلموه لصناعه الفحم او المشابك
و فى مناطق كتير فيها صناعه الخشب كتير ومتوفر الخامه زى دمياط واسيوط وطنطا و الحسنيه شرقيه بالاضافه لكل المناطق الصناعيه زى العاشر من رمضان والسادات وال6 اكتوبر ومنطقه المنيا الصناعيه و اسيب القوس لو حد عنده معلومات اكتر.............
اسعار الكسر متفاوته جدا بتتراوح من انه بيترمى او يتباع ببلاش لاسعار حسب المنطقه و الوقت
و فيه بوست على الصفحه لتجار خشب كسر لو حد بحب ممكن يسالهم يكون افضل
2-اسئله بخصوص الناتج اللى هو النشاره\\\\\\\\\\\\\
و ده اسهل جزء تسويقها سهل المهم يكون عندك نشاره كويسه هتلاقى ناس كتير تشترى وابسط حاجه كلم اى تاجر هياخد انتاجك كله مقدم كمان الاسعار ووحدات البيع دى حسب المكان و حسب الوقت و بتختلف و فى بوست لتجار النشاره ممكن تسالهم
و من خلال المكالمات اللى بتجيلى كل ما تبعد عن الدلتا اسعار النشاره بتزيد جدا وبتوصل لاقصاها فى الصعيد و سينا و على فكره ارخص سعر للنشاره فى البيع او الشراء فى دمياط و غلاها في سبنا و و الواحات والصعيد يعنى لو واحد بيفكر بره الصندوق يروح يعمله هناك
3- اسئله بخصوص المكان\\\\\\\\\\
الماكينه موديل الحوت 30 سم عرضها حوالى 50 سم فى طول 3 متر و الحوت 60 سم تزيد فى العرض بس لحوالى متر والطول ثابت و هتحتاج مكان تخزن فيه كميات الكسر والنشاره اللى تطلع ويكون قريب لطريق و يستحسن يكون قريب من اى ورشه علشان التاجر مايجلكش مخصوص وتبيع بسعر كويس
4- اسئله بخصوص الماكينه اولا ايه ميزه الحوت عن اى مكنه فى السوق
الميزه انها الوحيده اللى يتقدر تشغل خشب كسر بمقاسات صغيره اللى لو اتحط فى اى مكنه تانيه هيتكسر و مش هينزل نشاره وطبعا بالاضافه انها تقدر تشغل كل مقاسات و انواع الخشب و حتى خشب الشجر
يعنى ايه الحوت 30 سم او 60 سم ده عرض المكنه اللى كل مايزيد يزيد اكل الكستير ويزيد حجم الصندوقو بالتالى يزيد حجم الانتاج يعنى مقاس 60 سم ينتج ضعف مقاس 30 سم
الانتاجيه باقل تقدير 70 كيلو فى الساعه لمقاس 30 سم و طبعا الضعف مع مقاس 60 سم و ممكن تشغلها ورديتين فى اليومز
الكهربا ممكن تشتغل 2 فاز و 3 فاز واسعارها انصحك انك تنزل اى ورشه قريبه وتسال علشان تبقى على الطبيعه وتشوف 9 حصان فى 10 سعات يعملوا كام علشان موضوع الشرايح الجديد
عدد الاحصنه 9 حصان وطبعا دى ميزه كبيره لان كل المكن اللى فى السوق 20 حصان وبيوصل 30 حصان يعنى كهربا اكتر و المهاره انك تاخد احسن نتيجه باقل تكاليف
المكنه اى حد ممكن يشغلها مش شرط عامل مدرب اللى محتاج تدريب بس فك الكاساتير وتركيبها
الكساتير مالهاش وقت معبن للسن ممكن كل اسبوع او كل شهر حسب شغلك ونوع الخشب اللى بتشغله و اى ورشه نجاره هيدلك على اللى بسن الكساتير و بتيقى فى حدود 10 جنيه عاوز مسن كساتير موجود بنصنعه
بتجيب طقم كساتير احتياطى تغيره علشان المكنه ماتقفش . 


                                         نصائح عامة
  1-اول تستخير ربنا وتتوكل على الله
2- تييجى تشوف المكنه بنفسك وتجربها بايدك وتجيب الخشب اللى هتشتغل بيه و تاخد الناتج تعرضه على اللى هتيعله قبل ما تتعاقد
3-لو الخطوه دى تمام قبل ما تشترى المكنه لازم تكون موفر على الاقل 10 طن خشب و تشوف مصدر دائم يوفرلك الخشب لان ده روح المشروع و لو خلص مشروعك هيقف
4- الماكينه بتاخد تصنيع حوالى شهر ونص فى الوقت ده تكون جمعت خشب كتير وشوف حد يشترى انتاجك وانصحك فى بدايه مشروعك على الاقل انك تتعامل مع اقرب تاجر ياخد انتاجك كله و بيدفع مقدم
5- لو هتبدا المشروع نصيحه ابدا بالماكينه الصغيره وماتكبرش المشروع الا بمكسبها الا لو نت عندك طلب و محتاج كميات كبيره
6- لما يكون عندك نشاره بتبيعها اتقى الله و تذكر ان الله يراك و تذكر( ويل للمطففين )
و لا تغش علشان ربنا يباركلك وتكسب
يا ريت اى حد عنده اضافه مايحرمش الناس منها و يحاول يساعد و يا ريت تنشروا الكلام ربما نفع اى حد بيحاول يشوف مشروع
منقول للافادة

ضمن : صناعة
0 تعليق الآن "كل ما يخص مشروع النشاره وتصنيع النشارة "

Back To Top