recent

آخر الأخبار

recent
random
جاري التحميل ...

شبح البزنس

هنتكلم النهارده عن " شبح البزنس " ..!
هو محدش سماه كده .. بس احنا النهارده اطلقنا عليه الأسم ده و هتعرفوا ليه في نهايه البوست 
لما تشوف منافس ليك عنده نقص في حاجه معينة ومستغلتش النقص ده تبقى مش بزنس مان شاطر
شبح البزنس  شبح البزنس  شبح البزنس  شبح البزنس

فندق ماريوت العالمي المشهور اللي ليه أكتر من 4000 فرع في العالم، و أكتر من 697000 غرفة في 2014، و195000 غرفة تحت الإنشاء والتجهيز…
يسعدني اني افاجئك .. و اقولك
ان صاحب المؤسسه العريقه دي متولدش و في بوقه معلقه دهب .. لأ .. ابسلوتلي .. الراجل ده اتمرمط 
مؤسسة ضخمة زي دي بدأت ازاي؟! وازاي وصلت لكده؟! وإيه الخطة اللي مشت عليها عشان توصل للي هي فيه حاليا !؟!
طيب خلينا نحكيلكم قصه عمك جون
عم جون صاحب الاسطوره دي ، ابتدي يبيع عصير ليمون في فندق من فنادق واشنطن ، كانت بتتميز بوجود حي كبير جدا اسمه كابيتال هيل ، و كان المكان ده وجهه اساسيه للسياحه في العالم
فدي كانت فرصه عمك جون الاولي انه يبيع للزوار عصير الليمون
اكيد الليمون مكانش سبب انه يبني الاسطوره دي يعني 
جون كان ليه طريقه مميزه جدا في التعامل مع الزوار
جون كان بيقابل دايما الزباين بأبتسامه ماليه وشه 
و كمان كان بيهزر و يفتح معاهم مواضيع
بعد فتره .. لاحظ جون من التعامل مع الزوار ان هما مش مبسوطين من الخدمه السيئه للفنادق اللي بينزلوا فيها ده غير ان الاكل كان دايما وحش جدا 
من هنا جت لجون فكرة إنه يجمع فلوس ويفتح مطعم يقدم أكل بجودة عالية عشان يحقق رغبات الزوار ، وبالفعل عملها جون و فتح المطعم الصغير بتاعه وكان بيقدم الأكل السخن الشهي للزوار، 
نقف مع بعض ثانيه 
جون مكتفاش انه اختار مكان كويس جدا و اختار عملا كويسه
عندهم استعداد لشراء خدمته
انما كمان حدد مشكله في المنافسين و عالجها و طورها 
مش بس كده!!
جون كان بيقسم الأرباح بينه وبين الموظفين 😮لأنه كان شايف إن سعادة الموظفين هيا اللي بتجني الأرباح، وده فعلاً اللي حصل وبدأت سمعة جون تنتشر وسمع عنه كتير من الطهاة وعن معاملته لموظفيه و طـــبــــعــــا .. كلهم حبوا يشتغلوا معاه !!…
فعلا جون نجح في إدارة مطعمه وحقق أرباح كبيرة مكنته إنه يفكر يكبر طموحه ويبدأ يشوف تحدي تاني، قرر جون إنه يفتح فندق  بيقدم خدمة كويسة للناس وكمان أكل بجودة عالية بحيث يضمن رضاء العملاء، والجميل إن جون عمل افتتاح تجريبي لمدة 3 شهور بحيث يشوف ردود أفعال العملاء وآرائهم رغم إنه كان عارف إنه هينجح لأن السوق كله مكانش بيقدم غير جودة سيئة وقتها، وبعد انتهاء فترة الـ3 شهور تم الافتتاح الرسمي وحقق الفندق نجاح كبير لحد ما وصل لإنه بقى علامة تجارية مشهورة في عالم الفنادق 
الخلاصه .. ان مفيش حد بيبدأ كبير

متحبطش !! 
- اختار بزنس مناسب للظروف المحيطه ..
- اختار جمهور جاهز للبزنس بتاعك ..
- حسن المنتج ..
- اعمل سيستم كامل للشغل ..
- متشتغلش لواحدك ..
- وفر بيئه سعيده للي شغالين معاك !
جون استغل فرص السوق و نقاط ضعف المنافسين هي من اساسيات نجاح اي بزنس ، لأن الفرص مبتجيش كتير !
خليك شبح في نفسك .. خليك زي عم جون


عن الكاتب

good4u



إذا أعجبك محتوى موقعنا نتمنى البقاء على تواصل دائم ، فقط قم بإدخال بريدك الإلكتروني للإشتراك في البريد السريع ليصلك جديد موقعنا أولاً بأول ، كما يمكنك إرسال رساله بالضغط على الزر المجاور ...

إتصل بنا

جميع الحقوق محفوظة لـ

دراسة جدوي لمشروع صغير

2017